Tut las communicaziuns
Temps d'avertura sur Nadal e Bumaun 2024/2025
Sur ils dis da festa restan ils biros da l'Institut d'assicuranza sociala serrads ils suandants dis:
• mardi, ils 24-12-2024
• mesemna, ils 25-12-2024
• gievgia, ils 26-12-2024
• mardi, ils 31-12-2024
• mesemna, ils 01-01-2025
• gievgia, ils 02-01-2025
L'onn nov essan nus a partir da venderdi, ils 3 da schaner 2025, puspè qua per Vus. Nus giavischain a Vus bellas festas da Nadal e tut il bun per l'onn nov.
---- 16.12.2024 ----
Decleraziun da paja 2024
Vus avais survegnì da nus ils documents necessaris per la decleraziun da paja 2024. Il formular emplenì stuais Vus inoltrar fin il pli tard ils 30 da schaner 2025.
Cun il portal online AHVeasy pon patrunas e patruns reducir lur lavur administrativa. La decleraziun da paja pon ins emplenir e trametter cumadaivlamain e senza palpiri online. Er ulteriuras annunzias pon ins far online cun la Cassa da cumpensaziun – gratuit, simpel ed effizient.
---- 16.12.2024 ----
Survista Imports valaivels per ils 01.01.2025
Per il 01.01.2025 na datti naginas midadas areguard las contribuziuns per la AVS/AI/EO e per la cassa da cumpensaziun per famiglias. Ils imports limitads per la prevenziun professiunala vegnan midads.
---- 12.12.2024 ----
Pajaments principals mensils rentas, indemnisaziuns a persunas dependentas d'agid e prestaziuns supplementaras 2025
---- 09.12.2024 ----
Infurmaziun impurtanta: Midada da la Lescha federala davart la scussiun ed il concurs (LSC) per il 1-1-2025
A partir dal 1. da schaner 2025 entran en vigur midadas impurtantas da la Lescha federala davart la scussiun ed il concurs (LSC). Ina novaziun centrala concerna la pretensiun da contribuziuns avertas da l’assicuranza sociala AVS:
A partir dal 1. da schaner 2025 vegn fatga in’eventuala scussiun per persunas natiralas u giuridicas ch’èn inscrittas en il register da commerzi, da nov sin concurs e betg pli sin sequestraziun. Interpresas e persunas cun activitad da gudogn independenta che na pon betg ademplir lur obligaziuns finanzialas vegnan supplitgadas da la dretgira da liquidar ils quints averts en il rom d’ina procedura da scussiun. Sch’ellas na pajan betg, declera la dretgira cumpetenta il concurs ed il manaschi vegn serrà .
Las cassas da cumpensaziun ston realisar questas novas prescripziuns legalas e n’han nagina influenza sin questas midadas. Persunas che n’èn betg inscrittas en il register da commerzi vegnan era vinavant stumadas sin sequestraziun.
Scussiuns e proceduras da concurs èn colliadas per il debitur resp. la debitura cun custs considerabels e malempernaivladads che pon vegnir evitads cun pajar las pretensiuns entaifer il termin u cun far ina cunvegna da pajament.
Ulteriuras infurmaziuns: Merkblatt 2.14 Bekämpfung des missbräuchlichen Konkurses
---- 28.11.2024 ----
Las tariffas minimalas dals supplements da famiglia vegnan augmentadas
Per il 1. da schaner 2025 vegnan augmentadas las quotas minimalas federalas dals supplements per uffants e da scolaziun. Ils supplements per uffants vegnan augmentads da 200 sin 215 francs al mais ed ils supplements da scolaziun da 250 sin 268 francs al mais. I sa tracta da l'emprima adattaziun sin plaun federal dapi che la Lescha federala davart ils supplements da famiglia è ida en vigur il 2009.
En il chantun Grischun èn ils supplements per uffants e scolaziun tenor las Disposiziuns executivas concernent la Lescha davart ils supplements da famiglia (DEtLSF) mintgamai pli auts che las tariffas minimalas ed importan uschia 230 francs per supplements per uffants resp. 280 francs per supplements da scolaziun.
Per ils supplements da famiglia en l'agricultura datti in'excepziun: per quels valan las tariffas dal dretg federal. Consequentamain vegnan quels supplements augmentads analog a las quotas minimalas.
| Da nov en las regiuns muntagnardas a partir dal 01-01-25 supplements per uffants: 235 francs supplements da scolaziun: 288 francs |
Da nov en las regiuns da la val a partir dal 01-01-25 supplements per uffants: 215 francs supplements da scolaziun: 268 francs |
---- 28.11.2024 ----
Prestaziuns supplementaras (PS) – tariffas valaivlas a partir dal 1.1.2025
---- 07.11.2024 ----
Reducziun individuala da las premias (RIP) da l'assicuranza da malsauns per l'onn 2024
---- 24.10.2024 ----
La renta minimala da l'AVS/AI s'augmenta per 35 francs
A partir dal 1. da schaner 2025 vegnan las rentas da l'AVS/AI adattadas al svilup dals pretschs e da las pajas ed augmentadas per 2,9 pertschient. La renta minimala da l'AVS/AI munta da nov a 1'260 francs per mais. A medem temp datti adattaziuns er en il champ da las contribuziuns sco era tar las prestaziuns supplementaras e las prestaziuns transitoricas.
---- 12.09.2024 ----
Dis d’acziun "Sanadad psichica" 2024
Dals 7 da settember fin ils 10 d’october 2024 han lieu gia per la sisavla giada ils dis d’acziun en il chantun Grischun.
Era l’IAS Grischun è da la partida ed organisescha ensemen cun la rait grischuna da reWork referats d’input davart il tema: "Co vom jau enturn cun collavuratur:as che han difficultads psichicas?" Durant il Learning Lunch, in’occurrenza cumpacta sur mezdi, survegnan patrunas e patruns, persunas da cader e da las resursas umanas tips ed infurmaziuns areguard problems psichics en l’ambient da lavur.
Las occurrenzas èn gratuitas ed in'annunzia n'è betg necessaria. Per in gentar è procurà . Nus ans legrain da Vossa participaziun. Faschai p.pl. stim ch'ils plazs èn limitads.
Cuira, ils 26 da settember, 12–13.30, Labor am Pfisterplatz
Tusaun, ils 3 d’october, 12–13.30, STORY
Glion, ils 4 d’october, 12–13.30, Coworking 7130
La Punt, ils 10 d’october, 12–13.30, InnHub
---- 26.08.2024 ----
Reducziun individuala da las premias (RIP) da l'assicuranza da malsauns per l'onn 2024
---- 18.06.2024 ----
Futur Inclusiun
Ils 15 da matg fin ils 15 da zercladur 2024 han lieu ils dis d’acziun naziunals da quest onn per ils dretgs da persunas cun impediments.
L’Uffizi da l’AI Grischun sustegna giuvenils cun ina restricziun da la sanadad e pussibilitescha ad els ina scolaziun pratica.
Tenor il motto da quest onn «Ensemen essan nus ferms» organiseschan emprendist:as da la Scola professiunala PrA Grischun ensemen cun nossas cussegliadras e noss cussegliaders da professiun da l’AI mardi, ils 28 da matg 2024 ina saira interessanta cun numerus highlights. Vus spetga tranter auter ina vernissascha, in film curt ed ina premiera musicala. Era per il bainstar culinaric è procurà . Vegni sperasvi e giudai in program interessant. Nus ans legrain sin massa visitadras e visitaders.
---- 21.05.2024 ----
Accettazione dell’iniziativa "Vivere meglio la pensione"
Ils 3 da mars 2024 ha il pievel svizzer approvà l'iniziativa per ina 13avla renta da l'AVS. Questa 13avla renta da l'AVS pajan las cassas da cumpensaziun l'emprima giada a partir da l'onn 2026.
Infurmaziuns davart il stadi da realisaziun chattais Vus sin la pagina-web da l'Uffizi federal d'assicuranzas socialas (mo per tudestg).
Gugent infurmain nus Vus puspè sin questa pagina, cura ch'ils detagls da la realisaziun èn enconuschents.
---- 04.03.2024 ----
Cussegliaziun da renta internaziunala
Vus lavurais u avais lavurà en Germania u en Svizra? Persunas spezialisadas dals instituts Deutsche Rentenversicherung Bund und Baden-Württemberg e da l’IAS Grischun cusseglian gugent Vus.
---- 19.02.2024 ----
Reducziun individuala da las premias 2024
Il formular d'annunzia online per l' onn 2024 sco era il calculatur online ein a partir d'immediat a disposiziun.
---- 05.02.2024 ----
Declaraciuns da paja 2023
Nus regurdein, ch'il termin per inoltrar la decleraziun da paga 2023 va a fin ils 30 da schaner 2024. Inoltrei la decleraziun enteifer il termin menziunau ed evitei tscheins da retard.
---- 22.01.2024 ----
L'indemnisaziun per la paternitad daventa la "indemnisaziun per l'auter genitur"
Cun l'introducziun da la "lètg per tuts" a partir dal 1. da fanadur 2022 ha ultra dal bab era la conjugala da la mamma il dretg sin questa indemnisaziun. En consequenza ha l'indemnisaziun per la paternitad a partir dal 1. da schaner 2024 num "indemnisaziun per l'auter genitur".
---- 27.12.2023 ----
Decleraziun da paja 2023
Vus avais survegnì da nus ils documents necessaris per la decleraziun da paja 2023. Il formular emplenì stuais Vus inoltrar fin il pli tard ils 30 da schaner 2024.
Cun il portal online AHVeasy pon patrunas e patruns reducir lur lavur administrativa. La decleraziun da paja pon ins emplenir e trametter cumadaivlamain e senza palpiri online. Er ulteriuras annunzias pon ins far online cun la Cassa da cumpensaziun – gratuit, simpel ed effizient.
---- 13.12.2023 ----
Pajaments principals mensils rentas, indemnisaziuns a persunas dependentas d'agid e prestaziuns supplementaras 2024
---- 08.12.2023 ----
Nova "Diaria per il genitur survivent" a partir dal 1. da schaner 2024
Sch'in genitur mora directamain suenter la naschientscha, è quai in grev culp dal destin per la famiglia ed il novnaschì. En tals cas ha il genitur survivent en l'avegnir il dretg sin in pli lung congedi da maternitad resp. da paternitad. Questa midada duai procurar che la tgira ed il bainstar dal novnaschì hajan prioritad durant ils emprims mais da vita. A chaschun da sia sesida dals 22 da november 2023 ha il Cussegl federal approvà las midadas correspundentas e decidì che la midada da la Lescha davart l'urden da cumpensaziun dal gudogn entria en vigur per il 1. da schaner 2024.
---- 07.12.2023 ----
Empustaziun certificat AI
Tgi che retira ina renta AI u in'indemnisaziun a persunas dependentas d'agid ha il dretg sin in certificat AI. Il certificat AI vegn emess da l'uffizi da l'AI dal chantun da domicil.
---- 06.12.2023 ----
Survista Imports valaivels per ils 01.01.2024
Per il 01.01.2024 na datti naginas midadas areguard las contribuziuns per la AVS/AI/EO e per la cassa da cumpensaziun per famiglias. Er ils imports limitads per la prevenziun professiunala na vegnan betg midads.
---- 04.12.2023 ----
Prestaziuns supplementaras (PS) – tariffas valaivlas a partir dal 1.1.2024
---- 02.11.2023 ----
Novas disposiziuns per cunfinarias e cunfinaris en il homeoffice
Fin ils 30 da zercladur 2023 han valì durant in temp transitoric pervia da la pandemia da corona disposiziuns spezialas per cunfinarias e cunfinaris en il homeoffice. Tut tenor il pajais da derivanza da las cunfinarias e dals cunfinaris èn en vigur dapi il fanadur differentas adattaziuns. En intgins pajais da l’Uniun europeica e da l’Associaziun europeica da commerzi liber (tranter auter en spezial en Germania, en l’Austria ed en il Liechtenstein) suttastattan lavurantas e lavurants al sistem da l’assicuranza sociala che vala a la sedia da la patruna u dal patrun, uschè ditg che betg dapli che 49,9 pertschient da la lavur na vegn fatga en il homeoffice en il pajais da domicil. Auters pajais, tranter auter l’Italia, n’han betg suttascrit la cunvegna correspundenta. Là valan puspè las disposiziuns oriundas, tenor las qualas lavurantas e lavurants che passentan dapli che 24,9% da lur temp da lavur en il homeoffice èn suttamess al sistem d’assicuranza sociala dal pajais da domicil.
---- 26.10.2023 ----
Reducziun individuala da las premias (RIP) da l'assicuranza da malsauns per l'onn 2023
---- 24.10.2023 ----
Stabilisaziun da la AVS (AVS 21): Tge sa mida?
Ils 25 da settember 2022 han las votantas ed ils votants svizzers approvà la refurma per la stabilisaziun da la AVS. Las disposiziuns novas vegnan introducidas pass per pass a partir dal 1. da schaner 2024.
La stabilisaziun da la AVS cumpiglia quatter mesiras:
- unificaziun da la vegliadetgna da renta (vegliadetgna da referenza) da dunnas ed umens a 65 onns
- mesiras da cumpensaziun per dunnas da la generaziun transitorica
- retratga flexibla da la renta en la AVS
- finanziaziun supplementara tras l'augment da la taglia sin plivalur
Qua chattais Vus in video explicativ (Tudestg) (Tudestg), ina survista da las novaziuns (Tudestg) ed ulteriuras infurmaziuns da l'Uffizi federal d'assicuranzas socialas (Tudestg).
---- 03.08.2023 ----
Pagina-web da nov era per rumantsch
Stimada clientella, stimadas assicuradas e stimads assicurads, stimads partenaris
Nossa pagina-web As stat a partir dad oz er a disposiziun en rumantsch grischun, la terza lingua uffiziala chantunala.
Faschai p.pl. stim che tut ils formulars, fegls d'infurmaziun u autras infurmaziuns colliadas cun in link n'èn betg vegnidas translatadas. Quests documents datti be per tudestg u talian.
---- 15.06.2023 ----
Reducziun individuala da las premias (RIP) da l'assicuranza da malsauns per l'onn 2023
---- 15.06.2023 ----