AVSeasy

• Adina esser al current: As infurmai da tut temp davart supplements da famiglia, disposiziuns, pajaments ubain quints

• Annunziar supplements da famiglia: a moda electronica, nunbirocratica e senza signatura

• Far declaraziuns da paja en moda simpla: cumadaivlamain online, a maun u directamain en la contabilitad da pajas grazia al standard dad ELM Swissdec

• Adattar independentamain la summa da las pajas u da las entradas per las contribuziuns aconto

• Annunziar midadas d’adressa

• Empustar confermas per persunas independentas

• Sbassar ils custs d’administraziun

• Surdar incumbensas al biro fiduziar: endrizzar online cun paucs clics u al transmetter a moda fitg simpla il code d’activaziun

• Examinar numers d’AVS: registrar collavuraturas e collavuraturs e vesair cun in clic, schebain las datas èn correctas

Cun AVSeasy vulain nus sminuir Vossa chargia administrativa. Avain nus sveglià Voss interess? Noss video mussa tge che Vus dastgais spetgar da noss portal online.

Recumandaziuns ed instrucziuns nizzaivlas

• AHVeasy kurz erklärt
• Mitarbeiter zum Mitarbeiterstamm hinzufügen
• Mitarbeiter einladen und Berechtigungen erteilen
• Versicherungsprofil Swissdec
• Flyer Anleitung für die Registrierung

Dumondas frequentas - FAQ

• Endatar in code d’activaziun per in’ulteriura firma (per utilisadras ed utilisaders registrads)

As annunziai e cliccai en il portal sisum a dretga sin Voss num d’utilisader. Là pudais Vus endatar in ulteriur code d’activaziun per in’autra firma. Cun As annunziar anc ina giada pudais Vus midar il profil.

• Vus avais gia As registrà e vulais medemamain envidar Vossa collega u Voss collega da lavur ad AVSeasy.

As annunziai e selecziunai en l’applicaziun per patrunas e patruns da lavur (AGAP) il sectur d’administraziun d’utilisaders. Cliccai p.pl. silsuenter sin la tasta «Agiuntar in nov utilisader».

Duai la nova persuna medemamain pudair envidar sco administratura novas persunas e surdar dretgs d’utilisaders? Uschespert che la nova persuna è registrada, pudais Vus activar sut «Administraziun d’utilisaders» il quadret da controlla «administratur d’utilisaders».

• Mitarbeiter einladen und Berechtigungen erteilen

• emblidà/betg anc registrà il pled-clav

Avais Vus emblidà Voss pled-clav u n’avais Vus betg anc As registrà? Sin la pagina d’annunzia (www.ahveasy.ch) pudais Vus dumandar in nov pled-clav u As registrar.
Voss nov pled-clav vegn generà automaticamain e tramess cun il suandant speditur: DO-NOT-REPLY@eadminportal.ch. Voss sistem dad e-mails pudess classifitgar il speditur sco privlus u malsegir e damai betg visualisar l’e-mail en la posta entrada.
Controllai p.pl., schebain il messadi è sa tschentà en Voss ordinatur da spam u da reclama. Sche Vus na chattais betg là l’e-mail menziunà survart, contactai p.pl. Voss servetsch dad IT intern e laschai examinar, schebain l’adressa dad e-mail DO-NOT-REPLY@eadminportal.ch è vegnida filtrada u bloccada a moda automatisada.

Avais Vus anc dumondas davart AVSeasy?
081 257 40 34
ahveasy@sva.gr.ch
www.ahveasy.ch
www.swissdec.ch